‘Çohu për të drejtat e njeriut’ ishte motoja e një numri të madh njerëzish që marshuan sot në sheshin e kryeqytetit me rastin e Ditës Ndërkombëtare për Të Drejtat e Njeriut.

Me këtë rast, Përfaqësuesja e Organizatave Për Të Drejtat e Njeriut, Fleta Demolli, tha se me iniciativën e Avokatit të Popullit, Hilmi Jasharit dhe me një numër të madh të Organizatave Jo Qeveritare u nënshkrua një deklaratë e përbashkët e cila po përmbyllet me një mesazh të madh ‘Çohu për të drejtat e njeriut’, shkruan arbresh.info

Ndërsa Avokati i Popullit,  Hilmi Jashari tha se sot është një ditë e veçantë për faktin se këtë deklaratë e kanë nënshkruar afër 40 Organizata joqeveritare gjë që nuk ka ndodhur më herët.

Ai tregoi se në këtë marsh nuk është paraparë përfshirja e deputetëve dhe përfaqësuesve të institucioneve dhe se kjo deklaratë neser do t’ju dërgohet institucioneve përkatëse ku do të kenë mundësinë të informohen më detajisht për të gjitha shqetësimet mbi të drejtave të njeriut./arbresh.info/