Gjenerali Wesley Clark gjatë dëshmisë së tij në Hagë tha se sipas asaj që kishte parë në Rambuje, Hashim Thaçi nuk ishte komandant ushtarak.

Clark foli për Marrëveshjen e Rambujesë, duke thënë se u pranua vetëm nga pala shqiptare, ndërsa serbët nuk e pranuan. Sipas tij, kjo ishte një bazë për të filluar ata diçka, raporton “Betimi për Drejtësi“.

“U takova me zotin Thaçi njëherë të dytë përpara se të fillojë fushata bombarduese. Ai ishte një prej personave më me autoritet, ishte më i riu. Më bindësi. Ishe personi që ishte veshur më mirë, ishte personi që kishte flokët në mënyrën më të përshtatshme. Meqë e kuptova, ai kishte jetuar në Zvicër, fliste gjermanisht. Nuk fliste shumë anglishte asokohe. Unë nuk flisja shumë gjermanisht dhe ishte e vështirë që të komunikonim me njëri-tjetrin. Por, ai nuk ishte komandanti ushtarak”, tha Clark.

LEXO EDHE:

Gjenerali Clark: Pas vrasjes së familjes Jashari, më thanë se shqiptarët do të kundërpërgjigjeshin

Clark tha se kur u takua me Thaçin herën e tretë, i kërkoi ndihmë. Por, sipas tij, Thaçi nuk e ndihmoi pasi që nuk e kishte idenë se çfarë po ndodhte.

Dëshmitari Clark pohoi se Thaçi nuk e ndihmoi për të identifikuar objektivat dhe që nuk e kishte as idenë bazike të operacioneve ushtarake.

LEXO EDHE:

Clark: S’ka pasur kontroll civil mbi UÇK-në, s’është e mundur që të ketë hierarki pa qenë në dijeni SHBA