Çitaku: Kosova s’i takon një njeriu, e ardhmja e vendit s’guxon të rrezikohet për një grusht vota

09:22 | 14 Qershor 2023
A Z

Nënkryetarja e PDK-së, Vlora Çitaku, ka thënë se e ardhmja euroatlantike e vendit është vënë në pikëpyetje.

Sipas Çitakut, ajo që është e pakthyeshme dhe s’po kontestohet nga aleatët e Kosovës janë pavarësia dhe sovraniteti.

Postimi i plotë i saj:

Kosova është shtet. I pavarur dhe sovran. Kjo e vërtetë e farkëtuar dhe e pakthyeshme nuk po kontestohet nga aleatët tanë. Kuptojeni.
Çfarë është vënë në pikëpyetje është e ardhmja euroatlantike e vendit tonë.
Çfarë Kosove duam ne për fëmijët tanë? Të izoluar apo të integruar në BE dhe NATO?
Kualiteti i aleancave dhe mirëmbajtja e tyre është po aq e rëndësishme sa edhe sovraniteti.
E ardhmja e Kosovës nuk guxon të rrezikohet për një grusht vota. Kosova nuk i takon një njeriu./Arbresh.info/