Federica Mogherini, shefe e diplomacisë evropiane,  gjatë vizitës që e ka bërë  sot në Prishtinë, ka thënë se dialogu ndodh në mes të dy shteteve sovrane.

Mogherini e ka bërë këtë deklaratë duke ju përgjigjur një studenti serb gjatë një debati në Bibliotekën Kombëtare.

“Dialogu ndodh mes dy palëve të barabarta. Dialogu ndodhë mes dy shteteve sovrane”, ka thënë Mogherini, teksa i është referuar dialogut Kosovë-Serbi, të cilin vet e ndërmjetëson.

Studenti serb u interesua për Asociacionin e komunave me shumicë serbe dhe pyeti se kur do të jetë ky asociacion në agjendën e BE-së, raporton RTK.

Por, mori përgjigjen se komunat serbe nuk do të jenë në agjendën e BE-së, ngaqë BE-ja është vetëm iniciator dhe ndërmjetësues i dialogut midis këtyre dy shteteve sovrane dhe se nuk përzihet në punët e brendshme të Kosovës dhe Serbisë. /arbresh.info/