Kandidati i LVV-së për kryetar të Prishtinës, Hajrulla Çeku ka thënë se kompanitë e ICT-së po gjenerojnë punësim, inovacion dhe zhvillim për gjithë qytetin.

Përmes një postimi në Facebook, Çeku bëri të ditur se ka vizituar kompanin Concentrix në Lakrishtë e cila punëson shumë të rinjë e të reja, shkruan Arbresh.info.

“Lakrishtja po shndërrohet në zemrën e ekonomisë digjitale të Prishtinës, një lagje ku kompanitë e ICT-së po gjenerojnë punësim, inovacion dhe zhvillim për gjithë qytetin. Në mesin e tyre, Concentrix përfaqëson lidhjen e drejtpërdrejtë të Prishtinës me disa nga kompanitë më të mëdha teknologjike në botë”, tha Çeku.

“Kompania ofron shërbime të klientëve në gjuhën gjermane dhe punëson shumë të rinj e të reja që janë kthyer nga diaspora për të ndërtuar karrierën e tyre në Kosovë. Eksportet në teknologji janë forca që e bën konkurruese ekonominë tonë digjitale në rajon”, u shpreh Çeku./Arbresh.info