Ministri i ministrisë së Kulturës, Rinisë dhe Sportit, Hajrullah Çeku ka dhënë lajmin e ditës.

Çeku me anë të një postimi në facebook, bëri të ditur se gjithçka është gati për nisjen e punimeve për rinovimin e stadiumin olimpik “Adem Jashari”, shkruan Arbresh.info.

Sipas ministrit, shpronësimet kanë përfunduar, kushtet e ndërtimit dhe leja ndërtimore janë siguruar, borxhet e akumuluara ndër vite janë paguar, kontrata me operatorin është zgjatur, zotimi për buxhet është siguruar.

Postimi i plotë:

Gjithçka gati për nisjen e punimeve në stadiumin olimpik “Adem Jashari” në Mitrovicë.

E gjatë dhe e mundimshme ishte rruga për t’i përmbyllur të gjitha procedurat që do të duhej të kishin mbaruar në vitin 2019, para nisjes së renovimit.

Shpronësimet kanë përfunduar, kushtet e ndërtimit dhe leja ndërtimore janë siguruar, borxhet e akumuluara ndër vite (komunalitë) janë paguar, kontrata me operatorin është zgjatur, zotimi për buxhet është siguruar.

Punët do t’i monitorojmë në baza ditore, asnjë vonesë nuk do të tolerohet. Kosova do të bëhet edhe me dy stadiume të certifikuara ndërkombëtarisht. /Arbresh.info/