Tërmeti që goditi Kroacinë mëngjesin e sotëm, ka prekur të gjithë.

Pamjet e qytetarëve të Zagrebit, të dalë jashtë nga frika e tërmetit 5. 4 shkallësh që goditi në orët e para të ditës së sotme, në këtë kohë kur virusi COVID-19 po rrezikon shumë jetë njerëzish, ka prekur edhe ish-ministrin e Jashtëm të Shqipërisë, Ditmir Bushati.

Ai në Facebook ka publikuar një fotografi nga materniteti në Zagreb, ku shihen nënat me fëmijët e tyre në duar.

“Kohët e vështira zbulojnë se sa e madhe është dëshiroja për jetën. Kjo është një foto nga materniteti në #Zagreb pak minuta pas tërmetit që goditi mëngjesin e sotëm #Kroacinë. Vështirë se na rrok imagjinata një pamje më tragjike se kjo, sidomos në kushtet e reja të luftës me virusin e padukshëm. Lutjet tona janë për popullin mik kroat, në këto çaste jashtëzakonisht të vështira”, ka shkruar Bushati./arbresh.info