Google ADS

Bursa një mijë euro, Kurti: Rezultate pozitive në rritjen e interesimit për të ndjekur studimet në Gjuhë dhe Letërsi

23:34 | 17 Korrik 2024
E.G

Deri në ora 16:00 në Programin Gjuhë Shqipe kanë aplikuar 137 studentë (85% më shumë se vitin e kaluar), kurse në Programin Letërsi Shqipe kanë aplikuar 102 studentë (94% më shumë se vitin e kaluar).

Kështu bëri të ditur ministrja e Arsimit, Arbërië Nagavci me anë të një postimi në Facebook.

Kryeministri Albin Kurti tha se ky është numri më i lartë i aplikimeve në vitet e fundit, gjatë të cilave ishte shënuar një trend në rënie i interesimit për të studiuar në këto dy programe.

Ai tha se këtij lajmi i gëzohemi edhe për faktin që nga ky vit për herë të parë MASHTI po ofron bursa vjetore prej 1 mijë euro për studentët që regjistrohen në këto dy programe.

“Ai është edhe dëshmi që këto bursa kanë dhënë rezultate pozitive në rritjen e interesimit për të ndjekur studimet në Gjuhë dhe Letërsi.”, u shpreh ai.

Tutje ai i ka uruar suksese në procesin e pranimit dhe studime të mbara të gjithë studentëve të rinj të Universitetit të Prishtinës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm