Burim Ramadani garon për deputet të AAK-së në zgjedhjet e 28 dhjetorit

12:55 | 4 Dhjetor 2025
H.E

Ish-kryeinspektori i AKI-së, Burim Ramadani i është bashkuar Aleancës për Ardhmërinë e Kosovës.

Ramadani do të garoj për deputet nga AAK në zgjedhjet e 28 dhjetorit, transmeton Arbresh.info.

Lajmin e ka bërë të ditur kryetari i AAK-së, Ramush Haradinaj.

Postimi i plotë:

Burim Ramadani është mendje e kthjellët që punon për sigurinë e shtetit.

Është ndër njerëzit më të përgjegjshëm dhe profesionistët më të përgatitur që unë njoh. Besnikëria ndaj shtetit, integriteti i tij, përvoja dhe aftësitë e bëjnë një vlerë të veçantë për Kosovën.

E mbështes plotësisht kandidimin e tij për deputet, sepse besoj që zëri dhe veprimi i tij racional, kritik dhe i matur do t’i shërbejë shtetit.
Kosova ka nevojë për të.

Ne kemi nevojë për të.

Jam i lumtur që pranoi kërkesën tonë që të kandidojë për deputet dhe shpresoj se do të jemi bashkë në Parlament./Arbresh.info