Bordi i Odës Ekonomike Gjermano-Kosovare, pritet nga zyra e kancelarit gjerman.

Gjatë takimit janë fokusuar më shumë në forcimin e lidhjeve bilaterale dhe nxitjen e bashkëpunimit ekonomik ndërmjet dy vendeve, si dhe koordinimin e aktiviteteve të përbashkëta përgjatë vitit 2024.

Komunikata e plotë:

Delegacioni zyrtar i Odës Ekonomike Gjermano-Kosovare (OEGJK), udhëhequr nga Kryetarja e Bordit, Eriola Bibolli, i shoqëruar nga anëtarët e bordit të OEGJK së, Hana Qerimi dhe Drinor Selmanaj, Drejtoresha Ekzekutive Nora Hasani si dhe Udhëheqësja e Market Entry, Besarta Hyseni, zhvilloi një vizitë zyrtare në Berlin.

Delegacioni pati disa takime të rëndësishme gjatë vizitës, me fokus në forcimin e lidhjeve bilaterale dhe nxitjen e bashkëpunimit ekonomik ndërmjet dy vendeve, si dhe koordinimin e aktiviteteve të përbashkëta përgjatë vitit 2024.

Gjatë vizitës, anëtarët e delegacionit të KDWV-së kanë zhvilluar takime me:

• Departamentin për Bashkëpunim Ekonomik Ndërkombëtar / Zyra e Kancelarit Scholz
• Departamentin për Zgjerimin e BE-së, Evropën Juglindore, Turqinë / Ministria Federale për Ekonomi dhe Mbrojtje të Klimës
• Dhoma Gjermane e Tregtisë dhe Industrisë / DIHK
• Komiteti Lindor i Ekonomisë Gjermane / Ost-Ausschuss der deutschen Wirtschaft
• German Economic Team / Berlin Economics
• OASA e.V.

Delegacioni ishte ftuar në pritjen e Vitit të Ri të Komitetit Lindor të Ekonomisë Gjermane, ku fjalë rasti mbajti Ministri Federal i Financave, Christian Lindner. Gjatë pritjes, anëtarët e delegacionit të OEGJK-së kanë pasur takime të vlefshme me biznese gjermane dhe përfaqësuesit e institucioneve gjermane dhe ndërkombëtare. Delegacioni i OEGJK-së pati mundësinë të informonte bashkëpunëtorët gjermanë për rolin e OEGJK-së, zhvillimet ekonomike të fundit në vend, dhe nismat e vazhdueshme që synojnë forcimin e marrëdhënieve bilaterale./Arbresh.info/