Blerim Kuçi: Njerëzit si Elez Blakaj nxisin ikjen, Rusia normalisht po ndikon në këtë ikje

15:57 | 11 Prill 2019

Pas deklaratës së liderit të VV-së, Albin Kurtit se nga Kosova po ikin qytetarët e prokurori si Elez Blakaj ndërsa po qëndrojnë kriminelë ka reaguar deputeti i AAK-së, Blerim Kuçi.

Ai duke ju referuar Blakajt ka thënë se zgjedhja e njerëzve që nuk kanë guxim dhe e lëshojnë vendin lehtë nxit trendin e ikjes, shkruan arbresh.info

“Është shumë me rëndësi kur të vendosim dikë në krye të një institucioni, e përmendi dikush një prokurori, ai e ka dhënë betimin se duhet kryere punën e tij dhe nëse e lëshon vendin vet aq lehtë atëherë në start është gabimi, nuk guxojnë bartësit e institucioneve me e lësh vendin aq lehtë sepse po e ndihmon, dikush e ka nxit me e rrit këtë trend”, ka thënë ai.

Kuçi ka përmendur edhe deklaratën e Halil Matoshit, këshilltar i kryeministrit se Rusia po nxit ikjen nga Kosova.

“Dikush e përmendi edhe Rusinë, normalisht se ata janë për përfshirë në këtë çështje, nuk është e thënë se çka do të bëjnë ata por çka do të bëjmë ne”, ka shtuar Kuçi./Arbresh.info/

Shpërndaje në rrjete sociale

Lajmet më të lexuara