Sekretarja e Përgjithshme e PDK-së, Vlora Çitaku ka reaguar pas publikimit të bisedës mes Dejona Mihailit me Nagip Krasniqi, ku ky i fundit, sipas bisedave, konfirmon përfshirjen e Martin Berishajt në dallavere me rrymë.

Me anë të një postimi në Facebook, Çitaku ka thënë se ky publikim konfirmon dhe vërteton të gjitha dyshimet që i ka ngritur gati tre vite më parë, përcjell Arbresh.info.

Lexo edhe:

“U intervistova për zbardhjen e të vërtetës”, Dejona Mihali pas intervistimit nga Prokuroria Speciale

“PDK ka qenë këmbëngulëse në themelimin e Komisionit Hetimor për aferat korruptive në fushën e energjisë. Publikimi i komunikimeve të Dejona Mihalit me Nagip Krasniqi konfirmon dhe vërteton të gjitha dyshimet tona që i kemi ngritur gati tre vite më parë”, ka shkruar Çitaku.

“Sot të gjithë e kanë të qartë se GEN-in serb dhe Martinin e kemi dhuratë nga Qeveria e Lëvizjes Vetëvendosje. Ftojmë institucionet e rendit t’i shkojnë deri në fund hetimeve, dhe udhëheqësit e kërtyre skemave abuzive, të cilat varfëruan qytetarin dhe pasuruan pushtetarët, të sillen para drejtësisë”, shkroi tutje ajo./Arbresh.info