Deputeti i PDK’së, Hisen Berisha, ka ironizuar me thirrjen e KEDS për t’u larë nga dy persona për të kursyer rrymë.

Berisha, si me shaka, e arsyetoi vonesën e tij në emision pasi tha se “iu desht t’i thërrasë dy a tre kojshi me u la bashkë në një dush”.

“Unë u vonova, ndoshta të krijova stres, se mu desht me i thirrë dy a tre kojshi me u la bashkë në një dush, edhe grave ju thash dilni lanu te kojshia, a po e kuptoni ku ka degradue?”, u shpreh ai në Kanal10.

Tutje, ai ka “sulmuar” edhe ministren e Ekonomisë, Artane Rizvanolli, e cila sot u bëri thirrje qytetarëve të Kosovës që t’i izolojnë shtëpitë e tyre për shkak të dimrit të ftohtë që pritet të mbizotërojë në vend, e krizës për energji.

“Shtëpinë e kam të paizoluar, por duhet me mbështjellë me folie asi te kerreve”, ka thënë ai.