Bëri kthim gjysmërrethi tek nënkalimi në Ferizaj, policia shqipton gjobë ndaj 74-vjeçarit

15:12 | 12 Janar 2025
E.H

Policia e Kosovës njofton se ka shqiptuar një gjobë prej 100 euro për 74-vjeçarin i cili ditë më parë ka bërë kthim gjysmërrethi tek nënkalimi në rrugën “Ahmet Kaçiku” në Ferizaj.

Siç thuhet në njoftim, kjo kundërvajtje është regjistruar me telefon nga një qytetar dhe ka qarkulluar në rrjetet sociale.

“Me datën 11.01.2025 rreth orës 19:00 policët e stacionit të Ferizajt kanë identifikuar shoferin A.V (M/K) i moshës 74 vjeç dhe i kanë shqiptuar një gjobë kundërvajtëse prej 100 euro, për shkak se ditë më parë me veturë ka bërë kthim gjysmërrethi tek nënkalimi në rrugën” Ahmet Kaçiku” në Ferizaj. Kjo kundërvajtje është regjistruar (pamje me telefon) nga një qytetar dhe ka qarkulluar në rrjetet sociale”, thuhet në njoftim./Arbresh.info