Presidenti i Shqipërisë, Bajram Begaj, i cili po merr pjesë në ceremoninë mortore të Papa Françeskut, në sheshin “Shën Pjetri”, në Vatikan, përkujton punën që bëri Ati i Shenjtë për Shqipërinë e Kosovën.

Begaj, në një postim në Facebook, vlerësoi atë që Papa Françesku, zgjodhi Shqipërinë si vendin e parë evropian për ta vizituar më 21 shtator 2014, shpalli Shenjte Nënë Terezën më 4 shtator 2016 dhe dha një kontribut të lartë për popullin shqiptar.

“Papa që zgjodhi Shqipërinë si vendin e parë evropian për ta vizituar më 21 shtator 2014, shpalli Shenjte Nënë Terezën më 4 shtator 2016, nënshkroi dekretin për lumnimin e 38 martirëve të parë shqiptarë të komunizmit më 5 nëntor të po atij viti, duke shtuar edhe dy të tjerë më 16 nëntor 2024, si dhe ngriti Dioqezën e Prishtinës dhe të Prizrenit”, k shkruar Begaj.