Gjatë ditës së sotme është shoqëruar në polici, zyrtari i Ministrisë së Bujqësisë Bedri Dobra.

Këtë lajm e ka demantuar vetë ai, duke thënë se është lajmë i rremë dhe se ai do të ndërmarr rrugë ligjore sa i përket kësaj shpikje.

Ai ka kërkuar nga mediat që të kërkojnë falje sepse kanë tentuar ta prishin imazhin e tij dhe të familjes, shkruan Arbresh.info

“Ministria tashmë e ka demantuar lajmin e pavërtetë me fakte në faqen e saj zyrtare. Unë mbetem gjithmonë i gatshëm për bashkëpunim”, ka shkruar ai në Facebook.

Prokuroria Speciale e Kosovës, ka njoftuar se me qëllim të verifikimit të pretendimeve apo dyshimeve për veprimet e disa zyrtarëve publik të Ministrisë së Bujqësisë, Pylltarisë dhe Zhvillimit Rural, lidhur me renovimin e objektit që e shfrytëzonte AAK-ja, ka autorizuar Policinë e Kosovës, që të kryejë veprime hetimore në mbledhjen dhe sigurimin e provave për sqarimin e rrethanave të çështjes.

“Prokuroria Speciale e Republikës së Kosovës në mbështetje të nenit 83 par. 1 të Kodit nr. 08/L-032 të Procedurës Penale të Republikës së Kosovës, me qëllim të verifikimit të pretendimeve apo dyshimeve të ngritura në opinionin publik për veprimet e disa zyrtarëve publik të Ministrisë së Bujqësisë, Pylltarisë dhe Zhvillimit Rural, lidhur me renovimin e objektit që e shfrytëzonte AAK-ja, tani nën menaxhimin e Ministrisë, ka autorizuar Policinë e Kosovës, respektivisht Drejtorinë e Hetimit të Krimeve Ekonomike dhe Korrupsionit (DHKEK) në Prishtinë, që të kryejë veprime hetimore në mbledhjen dhe sigurimin e provave për sqarimin e rrethanave të çështjes”, ka thënë në Liridonë Kozmaqi Hajdaraj, udhëheqëse e Zyrës për Komunikim Publik në një përgjigje për Arbresh.info.

Në njoftim thuhet se zyrtarët publik të Ministrisë së Bujqësisë, Pylltarisë dhe Zhvillimit Rural, dyshohen se me veprimet e tyre kanë kryer veprat penale: “ Keqpërdorim i pozitës zyrtare”, “Keqpërdorimi dhe mashtrimi në prokurim publik”, dhe “Falsifikimi i dokumenteve”, nga neni 390, të KPRK-së./Arbresh.info/

LEXO EDHE:

Bastisja në Ministrinë e Pecit, Prokuroria Speciale: Zyrtarët e kësaj ministrie dyshohen për tri vepra penale

Ministri Peci e cilësonte si “Punëtori të vitit” Bedri Dobrën i cili sot u shoqërua në polici

Krimet Ekonomike me bastisje në Ministrinë e Bujqësisë