Kryetari i Kuvendit të Kosovës, Dimal Basha po merr pjesë në Akademinë Përkujtimore për 27-vjetorin e Masakrës së Reçakut.

Basha në fjalën e tij tha se kjo masakër i nxori në pah fytyrën fashiste të Serbisë teksa theksoi se Reçaku ishte kthesë e shovinizmit të egër, shkruan Arbresh.info

“Maskara në Reçak e nxori në pah fytyrën fashiste të Serbisë. Reçaku ishte pika e kthesës së ati shovinizmi të egër. Kjo tragjedi për herë të parë shihej nga e gjithë bota dhe për këtë e ka një meritë të veçantë ambasadori Walker, që e konsideroi krim kundër njerëzimit. Edhe sot, pas 27 vjetësh plagët vazhdojnë të mbesin të hapura. Kjo plagë rëndohet edhe më shumë nga mungesa e Serbisë për të kërkuar falje”, tha Basha.

“Kemi shembullin ku kryeministri kurti ku është mbajtur në burgjet e Serbisë. Kemi ish-nënkryetaren Saranda Bogujevci ku në trupin e saj mban 16 plagë nga okupatori serb. Populli ynë është paqedashës dhe human, ne jemi popull i Nënës Terezë. Në Serbi kemi presidentin Vuçiq që ka qenë ministër i propagandës në kohën e Millosheviqit. Reçaku është shembull ku nuk kemi as pendesë. Është obligim që ne të qëndrojmë të bashkuar dhe të punojmë për një ushtri e një polici më të fuqishme. Lavdi martirëve të Reçakut”, theksoi tutje Basha./Arbresh.info