Avokati i familjes së Liridona Ademajt, Leutrim Syla, pas seancës së sotme ka komentuar mbi deklaratën e pafajshme të Naim Murselit, bashkëshortit të të ndjerës, i cili akuzohet për vrasjen.

Avokati ka theksuar se provat që ekzistojnë janë mjaft të qarta dhe se mospranimi i fajësisë nga Murseli është diçka e pritshme.

“Nuk mund të themi në asnjë rast se ka qenë e pritshme apo jo, për shkak se provat materiale edhe ato që parashihen në aktakuzë janë aq të qarta, ashtu edhe sikur të pranonte fajësinë nuk do të ishte diçka e re për ne, edhe mospranimi i fajësisë është diçka e pritshme, por edhe sikur ta pranonte nuk do të kishte çudi apo habi se pse e ka pranuar”, ka thënë Syla.

Ndërkohë, Naim Murseli në seancën e sotme është deklaruar i pafajshëm për vrasjen e bashkëshortes së tij, Liridona Ademaj./Arbresh.info