Arrestohet shtetasi serb në Jarinje për dokumente të falsifikuara, i refuzohet hyrja në Kosovë

08:56 | 10 Shtator 2025
E.H

Një shtetas i Serbisë është arrestuar në Jarinje pasi që i njëjti ka prezantuar letërnjoftimin dhe patentë shoferin serb që dyshohet të jenë të falsifikuara, raporton Policia e Kosovës.

Sipas policisë, dokumentet janë konfiskuar, shkruan Arbresh.info.

I dyshuari pas intervistimit i është refuzuar hyrja në Kosovë.

“SPK Jarinje 09.09.2025-16:20. Është arrestuar i dyshuari mashkull shtetas i Serbisë pasi që i njëjti ka prezantuar letërnjoftimin dhe patentë shoferin serb që dyshohet të jenë të falsifikuara. Dokumentet janë konfiskuar, ndërsa pas intervistimit, me vendim të prokurorit, të dyshuarit i është refuzuar hyrja në Republikën e Kosovës”, thuhet në raportin 24 orësh të PK-së./Arbresh.info