Policia e Kosovës ka arrestuar një shtetas të huaj i cili ishte në kërkim ndërkombëtar përmes INTERPOL-it, me urdhërarrest të lëshuar nga autoritetet gjermane.

Sipas PK-së, i njëjti dyshohet për veprën penale “tentativë vrasjeje me dashje”, e sanksionuar sipas Kodit Penal Gjerman.

Me urdhër të prokurorit, i arrestuari është dërguar në ndalim policor për 48 orë, ndërsa ndaj tij do të vazhdojnë procedurat ligjore.

“Me datën 13.06.2026 Policia e Kosovës, përkatësisht Drejtoria për Bashkëpunim Ndërkombëtar Policor në bashkëpunim dhe koordinim me njësitet tjera të policisë nga Drejtoria Rajonale Prishtinë, ka bërë arrestimin e shtetastit të huaj i cili ndodhej në kërkim përmes INTERPOL-it me urdhërarrest ndërkombëtar të lëshuar nga autoritetet e Gjermane. I njëjti kërkohej për veprën penale “Tentativë vrasjeje me dashje” vepër kjo e sanksionuar sipas Kodit Penal Gjerman. Me urdhër të prokurorit kujdestar i arrestuari është dërguar në ndalim policor për 48 orë për të vazhduar më pas me procedurat tjera ligjore”, thuhet në njoftim./Arbresh.info