Prokuroria Speciale ka njoftuar se ka arrestuar një serb në pikën kufitare në Bërnjak, i cili dyshohet për “krime lufte kundër popullatës civile”.

Sipas njoftimit të Prokurorisë , J.SH. dyshohet se gjatë viteve 1998-99 ka kryer krime lufte në Komunën e Gjakovës.

Gjithashtu, atij i është caktuar masa e ndalimit prej 48 orëve.

Njoftimi i plotë:

Prishtinë, 27 prill 2024 – Prokuroria Speciale (PS), dhe Policia e Kosovës, njoftojnë opinionin publik se, sot, në pikën kufitare të Republikës së Kosovës me Serbinë, konkretisht në Bërnjak, është ndaluar një person me inicialet J.Š., i dyshuar se gjatë viteve 1998 – 1999, në Komunën e Gjakovës, ka kryer veprën penale “Krime lufte kundër popullatës civile”.

Me aktvendim të Prokurorisë Speciale, i njëjti është ndaluar për 48 orë, dhe brenda afateve kohore ligjore ndaj të njëjtit kjo prokurori do të bëjë kërkesë për caktimin e masës së paraburgimit nën dyshimin se ka kryer veprën penale “Krime lufte kundër popullatës civile”./Arbresh.info