Policia e Kosovës ka arrestuar një person me inicialet A.K, nën dyshimin për veprën penale të kontrabandimit me migrantë dhe pjesëmarrje ose organizim i grupit kriminal të organizuar.

Ky arrestim është bërë me urdhër të Prokurorisë Speciale të Kosovës, raporton Arbresh.info.

“Me urdhër të Prokurorisë Speciale të Republikës së Kosovës, Policia e Kosovës, respektivisht Drejtoria për Hetimin e Krimit të Organizuar dhe Krimeve të Rënda, ka arrestuar sot një person me inicialet A.K. Prokuroria Speciale njofton se A.K është ndaluar për shkak të dyshimit të bazuar se i njëjti ka kryer veprat penale ”Kontrabandimi me migrantë”, nga neni 164 dhe veprën penale ”Pjesëmarrja ose organizimi i grupit kriminal të organizuar” nga neni 277 i Kodit Nr. 06/L-074 Penal të Republikës së Kosovës ( “KPRK”)”, thuhet në njoftimin e PSRK-së.

Me aktvendim të Prokurorit të Prokurorisë Speciale i njëjti është dërguar në mbajtje për 48 orë./Arbresh.info/