Një person është arrestuar në Prizren, nën dyshimin se ka kanosur një zyrtar policor përmes një mesazhi në telefon.

Sipas raportit të Policisë së Kosovës, rasti ka ndodhur më 9 korrik, rreth orës 20:11, kur i dyshuari, një mashkull kosovar, dyshohet se i ka dërguar një mesazh me përmbajtje kërcënuese një zyrtari policor.

Gjatë hetimit fillestar është dyshuar se kanosja mund të jetë e ndërlidhur me një rast penal të cilin zyrtari policor e kishte hetuar më herët.

Me vendim të prokurorit, i dyshuari është dërguar në mbajtje, ndërsa rasti po hetohet si “Kanosje ndaj personit zyrtar”.

“Prizren 09.07.2026 – 20:11. Është arrestuar i dyshuari mashkull kosovar, për shkak se i njëjti, i kishte dërguar një mesazh në telefon me përmbajtje kërcënuese viktimës mashkull kosovar, (zyrtar policor). Gjatë hetimit fillestar dyshohet se kanosja ndërlidhet me një rast penal që e ka hetuar zyrtari policor. Me vendim të prokurorit i dyshuari është dërguar në mbajtje” thuhet në raport./Arbresh.info