Është arrestuar personi i cili dyshohet se ka shtënë me armë zjarri në një lokal në Deçan, ku mbetën të plagosur tre persona.

Në njoftimin e policisë thuhet se personat e lënduar janë dërguar në Spitalin e Pejës ndërsa tek i dyshuari janë gjetur dhe sekuestruar arma e zjarrit, shkruan Arbresh.info.

“Drejtoria Rajonale e Policisë nё Pejë, Stacioni Policor në Deçan, me datën 13.01.2026, rreth orës 00:15, është njoftuar se në njё lokal nё rrugën “Luan Haradinaj” nё Deçan, ka pasur tё shtёna me armё. Policia menjëherë i është përgjigjur rastit ku nё vendin e ngjarjes janё hasur personat e lënduar, tё cilёt janё dërguar me autoambulancë nё spitalin rajonal nё Pejё”, thuhet në njoftim.

“Personi i dyshuar ёshtё arrestuar nё vendin e ngjarjёs, dhe tek i njëjti janё gjetur dhe sekuestruar:

Njё (1) armё pistoletё Zoraki 9mm
Njё (1) karikator i sё njёjtёs armё
Nёntё (9) fishekё kal:9mm
Tri (3) gёzhoja

I dyshuari pas intervistimit nga hetuesit, me vendim tё prokurorit tё shtetit, ёshtё dёrguar nё mbajtje pёr 48 orё”, thuhet në njoftim./Arbresh.info

LEXO EDHE:

Tronditet Deçani, plagosen tre persona