Policia e rajonit të Prishtinës ka arrestuar dy persona të dyshuar për vjedhje të rëndë në një shtëpi në fshatin Llapushnik.

Sipas njoftimit të policisë, rasti u denoncua nga ankuesja ku sipas saj, më 4 gusht, persona të dyshuar kishin vjedhur gjësende të ndryshme në shtëpinë e saj, përfshirë këtu edhe para të gatshme, llaptop si dhe dokumente personale, shkruan Arbresh.info.

“Policia e rajonit të Prishtinës respektivisht hetuesit e stacionit policor të Drenasit, kanë arrestuar dy persona të dyshuar lidhur me vjedhjen e rëndë të ndodhur në një shtëpi në fshatin Llapushnik. Rasti u denoncua në polici nga ankuesja ku sipas saj dyshohej që më datë 04.08.2023, persona të dyshuar kishin vjedhur gjësende të ndryshme në shtëpinë e saj, përfshirë këtu para të gatshme, llap-top dhe dokumente personale.”, thuhet në njoftimin e Policisë.

Pas arrestimit, të dyshuarit me vendim të prokurorit të shtetit u proceduan më tej.

Ndërsa ndaj tyre u inicua një hetim në drejtim të veprës penale “Vjedhje e Rëndë”./Arbresh.info