Policia e Kosovës njofton se ka arrestuar dy person të dyshuar për plagosjen e katër personave të tjerë të dielën mbrëma në Jashanicë të Klinës.

Në njoftim thuhet se pas të shtënave më armë zjarri, ku një person u plagos nga arma ndërsa të tjerët u lënduan nga mjetet e forta, të dyshuarit kanë ikur nga vendi i ngjarjes, mirëpo pas një pune intensive të policisë është arritur të identifikohen dhe të arrestohen të dyshuarit, përcjell Arbresh.info.

Gjatё arrestimit janё gjetur dhe janë sekuestruar:

• njё (1) armё pistoletё M57

• njё (1) karikator i sё njёjtёs armë

• pesё (5) fishekё kal: 7.62mm

• dy (2) gёzhoja kal:7.62mm

• njё mjet i mprehtë (brisk).

Tё dyshuarit, pas intervistimit nga hetuesit, me urdhër tё prokurorit tё shtetit, janё dёrguar nё mbajtje pёr 48 orё./Arbresh.info

LEXO EDHE:

Tre të plagosur në Klinë, një prej tyre në gjendje të rëndë