Prokuroria Themelore në Pejë, në bashkëpunim me Njësitin Antidrogë të Policisë së Kosovës, ka zhvilluar dje një aksion kundër narkotikëve, gjatë të cilit janë sekuestruar rreth 1 kilogram substancë narkotike dhe dy armë zjarri.

Fillimisht, Prokuroria njoftoi se i dyshuari ndodhej në arrati, por sot ka bërë të ditur se ai është paraqitur vullnetarisht në stacionin policor.

Zëdhënësi i Prokurorisë së Pejës, Shkodran Nikçi, ka konfirmuar për Arbresh.info se i dyshuari është ndaluar për 48 orë me urdhër të prokurorit.

“I dyshuari per rastin e djeshem per rreth 1 kilogram nartkotike dhe dy arme zjarri eshte paraqitur sot ne Stacionin Policor. I dyshuari me urdher te prokurorit do ndalohet per 48 ore, nderkaq brenda afatit ligjor do parashtrohet kerkese per sigurimin e te pandehurit ne procedure penale”, tha ai./Arbresh.info

LEXO EDHE:

Aksion policor në Pejë, policia gjen armë e drogë – I dyshuari në arrati