Armend Agolli nga Dega e LDK’së në Mitrovicë ka thënë se është përjashtuar nga pjesëmarrja në Kuvendin e kësaj partie që mbahet të shtunën.

Përmes një postimi në Facebook, Agolli ka deklaruar se tre delegatë nga Mitrovica dhe disa delegatë të tjerë nga degë të ndryshme, janë larguar nga lista e pjesëmarrësve pa asnjë sqarim zyrtar.

“Kur nis përzgjedhja selektive e delegatëve pa transparencë e pa kritere të qarta, procesi rrezikon me humb legjitimitetin”, ka shkruar Agolli.

Ai ka kërkuar arsyetim me shkrim për largimin e delegatëve.

Postimi i tij i plotë:

Sot jam përjashtue nga pjesëmarrja në Kuvend, pa asnjë sqarim zyrtar. Bashkë me mua u larguan edhe 3 delegatë nga Mitrovica, si dhe disa delegatë të tjerë nga degë të tjera.
Kuvendi mbahet më 31 janar dhe kur nis përzgjedhja selektive e delegatëve pa transparencë e pa kritere të qarta, procesi rrezikon me humb legjitimitetin.
Kërkoj:

• arsyetim me shkrim për largimin tonë,

• publikimin e listës së delegatëve dhe kritereve,

• trajtim të barabartë, pa presion e pa selektime politike.

LDK eja forcohet me rregull e besim — jo me përjashtime