Ambasadori i Zvicrës në Kosovë, Jean-Hubert Lebet, shprehë mbështetjen e plotë të Zvicrës në procesin e normalizimit të marrëdhënieve ndërmjet Kosovës dhe Serbisë.

Ai përmend disa mësime në procesin e paqes, duke kundërshtuar idenë e ndryshimit të kufijve.

“Ndryshimi i kufijve nuk funksionon, jemi shumë të lumtur që takimi i Berlinit nuk e ka mbështetur këtë. Duhet të punojmë në çështjet që nuk janë zgjidhur. Në Ballkan nëse prekni kufijtë nuk është gjë e mirë, dhe uroj të largohet gjithmonë si ide,” është shprehur Lebet.

Ai vlerëson se është e nevojshme të fillohet një proces i normalizimi. Sipas tij, nënshkrimi i një marrëveshje nuk është përfundimi i një procesi të normalizimit.

“Për një marrëveshje që të implementohet, nevojiten detaje. Marrëveshja e Brukselit kanë qenë ka dy faqe. Çfarëdo zgjidhje merr kohë, dhe duhet të detajohet. Faktori i fundit është zotimi politik dhe ta kthejmë një faqe të re në histori,” është shprehur ambasadori Lebet.

Këto komente ai i ka bërë në tryezën me temën “Dialogu Kosovë-Serbi pas Samitit të Berlinit” e organizuar nga Instituti Demokratik i Kosovës./arbresh.info/