Ambasadori gjerman në Kosovë, Rainer Rudolph i shoqëruar nga zv.ambasadori Christian Bottcher kanë vizituar katër komunat veriore të vendit, Leposaviq, Zveqan, Zubin-Potok dhe Mitrovicën e Veriut.

Sipas njoftimit të Ambasadës Gjermane, ambasadori ka zhvilluar takime me kryetarët e sapozgjedhur të komunave, ku kanë diskutuar për sfidat aktuale dhe perspektivat e ardhshme.

“Si të gjitha komunat në Kosovë, jemi të gatshëm të shqyrtojmë së bashku ide për të nxitur rritjen ekonomike dhe për të forcuar më tej marrëdhëniet tona dypalëshe. Ambasadori Rainer Rudolph dhe zëvendësi Christian Böttcher vizituan Leposaviqin, Zveçanin, Zubin Potokun dhe Mitrovicën e Veriut. Një shkëmbim frytdhënës me kryetarët e sapozgjedhur dhe ekipet e tyre mbi sfidat aktuale dhe perspektivat e së ardhmes. Theks kulturor: një vizitë e shkurtër në Manastirin e Devine Vodës”, njofton Ambasa Gjermane.