Pas reagimit të Ambasadës së Mbretërisë së Bashkuar, edhe Ambasada e Italisë ka shprehur mbështetjen e saj të plotë për Misionin e KFOR-it dhe komandantin e tij, lidhur me operacionin e kërkim-shpëtimit të zhvilluar dje në liqenin e Ujmanit.

Në një postim në Facebook, Ambasada thekson se komandanti i KFOR-it veproi brenda mandatit të tij, duke marrë parasysh rrethanat emergjente që kërkuan ndërhyrje për arsye humanitare.

“Ambasada e Italisë në Kosovë shpreh mbështetjen e saj të plotë për Misionin e KFOR-it dhe për Komandantin e KFOR-it, i cili veproi brenda kufijve të mandatit të tij, në dritën e rrethanave të pafat që bënë të nevojshme ndërhyrjen e ekipit për arsye humanitare. Prandaj, Ambasada përsërit vlerësimin e saj të plotë për rolin pozitiv të luajtur prej kohësh nga misioni i KFOR-it në Kosovë”, thuhet në postimin e Ambasadës në Facebook./Arbresh.info