Ambasada Amerikane përkrah AGK-në, në mbrojtjen dhe promovimin e gazetarisë̈ cilësore në Kosovë

12:08 | 24 Qershor 2021
S D

Kryetarja e Bordit të Asociacionit të Gazetarëve të Kosovës – AGK, Gentiana Begolli Pustina, dje priti në takim përfaqësuesit e Ambasadës Amerikane në Prishtinë në krye me Eric Brassil – Zëdhënës i Ambasadës Amerikane.

Qëllimi i këtij takimi ishte vazhdimi i bashkëpunimit në mes të AGK-së dhe Ambasadës Amerikane, për mbrojtjen dhe promovimin e lirisë së shprehjes, ngritjen e kapaciteteve të gazetarëve, krijimin e një ambienti më të mirë të të bërit gazetari dhe luftimin e padrejtësive ndaj kolegëve tanë.

Begolli Pustina e vlerësoi si shumë të rëndësishme mbështetjen e Ambasadës Amerikane dhënë AGK-së dhe komunitetit që organizata përfaqëson, duke i falënderuar ata për besimin e dhënë më 3 maj – Ditën Ndërkombëtare të Lirisë së Shtypit.