Një aksident me fatalitet ka ndodhur sot në Gjilan, si pasojë e të cilit ka humbur jetën shoferi i veturës.

Sipas njoftimit të Policisë shkaqet e aksidentit kanë ardhur si pasojë e mos përshtatjes së shpejtësisë në rrugën lokale Stanishor-Novoberd, në dalje të fshatit Stanishor, shkruan arbresh.info.

“Ju njoftojmë se sot rreth orës 11:00 Policia ne Gjilan ka pranuar një informate për një aksident ne rrugën Stanishor –Novoberd. Njësiti patrullues dhe njësiti i trafikut ka dal në vendin e ngjarjes ku dyshohet se deri te aksidenti të ketë ardhur atëherë kur: Nj1. E vetme duke lëvizur ne rrugën lokale Stanishor-Novoberd, ne dalje te fshatit Stanishor, ne vije te drejte duke mos përshtatur shpejtësinë, humbe kontrollin mbi automjetin, kalon në anën e majte të rrugës godet pjesën anësore te rrugës (gurë) rrokulliset dhe mbetet në mes të rrugës i drejtuar”, bënë të ditur policia.

Sipas policë, viktima ishte dërguar në Qendrën Emergjente në Gjilan, mirëpo mjekët kanë konstatuar vdekjen e tij.

“Me këtë rast lëndime te renda pëson drejtuesi, MK me inicialet A.M i cili dërgohet me veturën e Ndihmës se Shpejte ne QEGJ, ku mjeket konstatojnë vdekjen e tij. Lidhur me rastin është njoftuar prokurorja e shtetit, e cila ka urdhëruar qe trupi i pa jete i te ndjerit te shkoj ne IML, për obduksion”, bënë të ditur policia./arbresh.info/