Një 22 vjeçar ka humbur jetën si pasojë e lëndimeve të marra nga një aksident në Gjakovë ku ishte e përfshirë një makinë dhe një motoçikletë.

Lajmin për Arbresh.info e ka konfirmuar, zëdhënësi i Policisë për rajonin e Gjakovës, Sheremet Elezaj.

“Rreth orës 18:30 kemi pranuar informatë për aksident trafiku në rrugën “Gjergj Sokoli”- Gjakovë. Policia ka dalë në vend-ngjarje ku të përfshirë në aksident kanë qenë një automjet dhe një motoçikletë. Për pasojë ngasësi i motoçikletës (mashkull i lindur në vitin 2001) për shkak të lëndimeve është dërguar në spitalin rajonal në Gjakovë ku edhe ka ndërruar jetë”, tha Elezaj.

Tutje i bëri të ditur se një person është ndaluar në mbajtje.

“Lidhur me rastin është njoftuar prokurori i shtetit me vendim e të cilit një person është ndalur në mbajtje.

Ndërkaq, rasti, siç tha Elezaj, është duke u trajtuar nga Njësia Rajonale e Komunikacionit Rrugor./Arbresh.info