Aksident me fatalitet në Prishtinë, vdes 19-vjeçari

09:22 | 5 Gusht 2022
E.H

Një person ka ndërruar jetë si pasoj e një aksidenti që ka ndodhur pas mesnatës rreth orës 01:20 në rrugën “Fahri Fazliu” në Prishtinë.

Rastin për arbresh.info e ka konfirmuar Flora Ahmeti, zëdhënëse për media në Policinë e Kosovës për Rajonin e Prishtinës.

Në këtë aksident kanë qenë të përfshirë dy këmbësor dhe tri vetura, një veturë në lëvizje dhe dy të parkuara.

Si pasojë e aksidentit lëndime trupore kanë pësuar tre persona, një prej tyre (këmbësori) me iniciale J.S 19 vjeçar, nuk ka arritur të përballojë plagët dhe ndërruar jetë.

Vdekjen e tij e ka konstatuar ekipi mjekësor në vendngjarje.

“Trupi i viktimës J.S, mashkull, 19 vjeç, është dërguar për obduksion në Institutin e Mjekësisë Ligjore, ndërsa personi i dyshuar (ngasësit të automjetit) me vendim të prokurorit i është shqiptuar masa e ndalimit për 48 orë”, ka thënë Ahmeti./arbresh.info/