Ahmeti, vizitën e Dikoviq-it e quan ofendim për familjet e viktimave dhe popullin e Kosovës

Foto: Arsim Namani

21:08 | 22 Nëntor 2015
M. A.

Për vizitën e komandantit të ushtrisë serbe në Prishtinë ka reaguar edhe kryetari i kryeqytetit, Shpend Ahmeti.

Numri një i Prishtinës thotë se Dikoviq, që ishte komandant i Trupave Tokësore të Serbisë në vitin 1999, është kriminel i dëshmuar lufte nën urdhrat e të cilit u kryen vrasje, dhunime e djegie në Kosovë.

Ahmeti thotë se vizita e tij është provokim i rëndë në një situatë të ndeshje dhe ofendim për familjet e viktimave dhe ofendim për popullin e Kosovës.

“Dikoviqi është kriminel i dëshmuar lufte nën udhëheqjen e të cilit ushtria ka kry vrasje, dhunime, djegie gjithandej Kosovës. Kthimi i tij në Prishtinë në një ceremoni të nënshkrimit me KFORin është provokim i rëndë në një situatë tejet të ndjeshme. Është ofendim për familjet e viktimave dhe ofendim për gjithë popullin e Kosovës”, ka shkruar Ahmeti në Facebook.