AGK dënon largimin e gazetarëve nga seanca në rastin e deputetëve të VV

13:52 | 20 Dhjetor 2017
Arbresh.info

Largimi i gazetarëve nga seanca është veprim i papranueshëm dhe paraqet tendencë për kufizim të mediave në raportimin për këtë proces gjyqësor.

Kështu thuhet në reagimin e AGK-së.

AGK kërkon nga gjyqtari Beqir Kalludra të tërheqë këtë vendim.

AGK konsideron se rasti i deputetëve paraqet interes të lartë për opinionin publik dhe kufizimi i qasjes së gazetarëve prodhon konfuzion dhe mosbesim të qytetarëve në sistemin e drejtësisë.

Po ashtu, Këshilli Gjyqësor i Kosovës duhet që të ngrisë zërin në këtë rast duke insistuar në transparencë nga gjyqtarët dhe gjykatat.

AGK ka kundërshtuar edhe në të kaluarën kundër rasteve kur gjyqtarët kanë vendosur t’i largojnë gazetarët, posaçërisht në rastin e ish-kryetarit të Gjykatës së Apelit, Sali Mekaj.