Kandidati për kryeministër nga Lidhja Demokratike e Kosovës, Lumir Abdixhiku, ka deklaruar gjatë tubimit në Gjakovë se LDK-në që e kërkojnë qytetarët tashmë e sa kohë, tashti e kanë.

Sipas tij, ai ka afër vetes një ekip të shkëlqyeshëm. Dhe se lista e LDK-së prej 110 anëtarëve është lista fituese në përbërjen e qeverisë së ardhshme.

“Këta burra e gra i keni parë sot në listën e 110 anëtarëve të Lidhjes Demokratike të Kosovës, listën fituese përbërjen e qeverisë së ardhshme, Republikës Rugoviste të Kosovës”, ka deklaruar Abdixhiku.

Ai tha se LDK-ja qëndron e bashkuar, e fortë e me bindje se është ndryshimi për Kosovën.

“Nga sonte qëndrojmë të bashkuar, nga sonte qëndrojmë të fortë, nga sonte dalim me plot bindje se ne jemi ndryshimi për Kosovën”, shtoi ai.