Google ADS

Abdixhiku jep arsyet se pse propozimi i LDK-së për Ligjin e Pagave ishte i duhuri

20:57 | 1 Shkurt 2023
E.H

Kryetari i Lidhjes Demokratike të Kosovës, Lumir Abdixhiku, ka dhënë arsyet se pse beson që propozimi i këtij subjekti politik për Ligjin e Pagave ishte i duhuri.

Përmes një postimi në Facebook, Abdixhiku tha se LDK-ja ka propozuar që koeficienti të jetë 125 dhe jo 105 siç është ai i Qeverisë Kurti.

“Propozimi ynë është i drejtë sepse merr për bazë inflacionin rekord që e kemi pasur në vend. Propozimi ynë është i mundshëm sepse merr 120 milionë shtesë, shumë më pak se që ka shpenzuar Qeveria në pako që nuk kanë lënë as edhe një shenjë. Propozimi ynë është i qëndrueshëm sepse pagat si proporcion buxhetor i mbanë nën 27%. Propozimi ynë është i denjë sepse krijon paga të dinjitetshme si asnjëherë më parë në vend. Zgjidhja është e qartë. Koeficienti 125”, ka shkruar Abdixhiku./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm