Abdixhiku flet për raportimet se Përparim Rama do të jetë kandidatë i LDK-së për Prishtinën

21:06 | 20 Maj 2021
Përparim Bublaku

Arkitekti me famë botërore nga Londra, Përparim Rama, u raportuar gjatë ditës së sotme se do të jetë kandidat i Lidhjes Demokratike të Kosovës (LDK) për kryetar të komunës së Prishtinës.

Lidhur me këtë, ka folur kryetari i kësaj partie, Lumir Abdixhiku, i cili ka thënë se nuk ka koment për të këtë çështje.Tutje, kreu i LDK-së tha se janë hapur të gjitha dyert për ta reformuar partinë e tij.

“S’kam koment, duhet të presim edhe pak. Jemi në proces të vlerësimit të LDK-së këto ditë për të bërë analizën strukturore të LDK-së pas rezultateve të fundit të 14 shkurtit. Kemi hapur dyert për të reformuar partinë. Testi i parë vjen nga zgjedhjet lokale që vijnë bukur shpejt. Në muajt e ardhshëm do t’i kemi kandidaturat e publikuara. Dëshirojmë që t’i bëjmë publike që të jemi të gatshëm”, tha ai në ATV.