Njohësi i çështjeve politike në vend, Mazllum Baraliu tregon nëse ushtruesja e detyrës së Presidentes së Kosovës, Vjosa Osmani ka të drejt të shfuqizojë dekretet për konsuj.

Baraliu, thotë se Osmani ka të gjitha të drejtat që ka pasur presidenti i deri tashëm Hashim Thaçi, ani pse është vetëm ushtruese detyre e këtij posti.

“Është në kompetencën e presidentes, në këtë rast të ushtrueses së detyrës së presidentes që në bashkëveprim me ministrinë të bëj emërimin, natyrisht nëse konsideron që diçka nuk është në rregull edhe mund ta bëjë këtë”, u shpreh Baraliu për arbresh.info.

Sipas tij, ani pse Osmani është vetëm ushtruese e detyrës së presidentes, ajo ka kompetencë të bëjë çdo gjë që mund të bëjë presidenti apo presidentja e zgjedhur.

“Njëjtë sikurse presidenti të ishte, të gjitha kompetencat që ai i ushtronte, ose ajo, mund t’i ushtrojë edhe ushtruesja e detyrës. Prandaj nuk mund t’i kontestohet e drejta që të veprojë njësoj sikur të ishte zgjedhur presidente”, u shpreh ai./arbresh.info/

LEXO EDHE:

Vjosa Osmani shfuqizon dekretet për konsujt në Pragë, Lubjanë, Shkup e Tiranë