Një 15-vjeçar ka dorëzuar në polici një portofol pasi e kishte gjetur atë në Qendrën e Skijimit në Brezovicë.

Sipas policisë, sot portofoli i është kthyer pronarit, shkruan Arbresh.info.

“Drejtoria Rajonale e Policisë në Ferizaj shpreh mirënjohje për qytetarin, O. O, duke e vlerësuar këtë gjest si një akt human dhe shembullor, që pasqyron standarde të larta të integritetit dhe përgjegjësisë qytetare.”, thuhet në njoftimin e policisë.

Njoftimi i plotë:

Më 22 shkurt 2025, rreth orës 11:30 një qytetar, O.O, 15 vjeç, ka gjetur një portofol në Qendrën e Skijimit në Brezovicë, brenda të cilit ndodhej një shumë e caktuar parash. Ai menjëherë e ka dorëzuar portofolin tek zyrtarët policorë.

Sot, më 24 shkurt 2025, në stacionin e policisë është paraqitur pronari i portofolit për ta marrë atë. Pas kryerjes së procedurave të verifikimit, portofoli iu kthye pronarit.

Drejtoria Rajonale e Policisë në Ferizaj shpreh mirënjohje për qytetarin, O. O, duke e vlerësuar këtë gjest si një akt human dhe shembullor, që pasqyron standarde të larta të integritetit dhe përgjegjësisë qytetare./Arbresh.info/