Policia e Kosovës ka njoftuar se janë arrestuar dy persona të dyshuar për përfshirje në veprat penale ‘Sulm dhe Lëndim i rëndë trupor’.

Njoftimi i plotë i PK-së:

Mitrovicë,  06 maj  2021-Në vazhdën e hetimeve për zbardhjen e veprave penale, hetuesit e Stacionit Policor Jugu në Mitrovicën e Jugut, në orët e pasdites së sotme, nën dyshimin e përfshirjes në veprat penale Sulm  dhe Lëndim i rëndë trupor , kanë arrestuar dy persona të dyshuar R. S., 23 vjeçar dhe K. P.,23 vjeçar, të dy shtetas të Republikës së Kosovës.

Identifikimi dhe arrestimi i dy të dyshuarve është bërë pas një pune hetimore lidhur me rastin e ndodhur më 9 prill 2021 në Mitrovicë, ku si pasojë e  përleshjes i lënduar kishte mbetur viktima  i cili është trajtuar në QKUK.

Të gjitha veprimet e ndërmarra i janë paraqitur prokurorit të rastit, ku pas intervistimit, dy  të dyshuarve u është shqiptuar masa e ndalimit për 48 orë./arbresh.info/