Miratimi i raportit për Kosovën në Parlamentin Europian, është dëshmi se BE-ja e përkrah Kosovën dhe synimet e saj drejt integrimit në këtë familje.

Kështu ka vlerësuar sot, raportuesja për Kosovën në Parlamentin Europian, Viola von Cramon, në një adresim të saj për media, pas miratimit të raportit të vitit 2022.

”Është sinjal i vlefshëm se Kosova është partnere e vlefshme, e BE-ja mbetet e përkushtuar për zhvillimin e saj, stabilitetin dhe prosperitetin”.

Tutje ajo ka lartësuar edhe angazhimin qytetar kosovar, dhe qeverinë për progresin e bërë gjatë viteve të fundit.

”Megjithatë, është esenciale të njihen edhe sfidat, si lufta kundër korrupsionit, mbrojtja e lirisë së mediave, tranzicioni i gjelbër dhe konsolidimi i mëtejmë i sundimit të ligjit”.

Derisa ka potencuar se është vënë në pah edhe moszbatimi i vendimit të Kushtetueses mbi çështjen e Manastirit të Deçanit.