Paralajmëron “Pastrimi”: Borxhlinjtë do të dërgohen në përmbarim

13:38 | 25 Nëntor 2025
E.G

Kompania Rajonale “Pastrimi” ka njoftuar se konsumatorët me borxhe të pashlyera do të dërgohen te përmbaruesit nëse nuk i paguajnë detyrimet.

Sipas njoftimit, kompania u ka bërë thirrje banorëve të Prishtinës, Podujevës, Lipjanit, Obiliqit, Drenasit dhe Fushë-Kosovës që të kryejnë pagesat për shërbimin e mbledhjes së mbeturinave, shkruan Arbresh.info.

“Nga java e ardhshme, sikur kemi vepruar gjatë tetorit me bizneset, të gjithë konsumatorët, amvisëri, me borxhe të pashlyera do të procedohen në përmbarim, sipas legjislacionit në fuqi. Procedurat e përmbarimit përfshijnë kosto shtesë për konsumatorët, prandaj ju ftojmë që pagesat t’i kryeni sa më herët për të shmangur shpenzime të panevojshme”, thuhet në njoftim./Arbresh.info