Buzhala tregon për çka është folur në përgjimet e pa publikuara të Mimoza Kusarit

23:18 | 24 Tetor 2024
E.G

Gazetari Berat Buzhala ka folur për audio-incizimet e publikuara në media të bisedës mes shefes së grupit parlamentar të VV-së, Mimoza Kusari- Lila dhe dy eksponentëve asokohe të Lstës Serbe, Sllavko Simiq dhe Millan Radoiçiq.

Ai ka treguar po ashtu se çka është biseduar në materialet e papublikuara.

“Nëse ajo ka folur me Sllavkon 2 orë, unë nuk e qes 2 orë. Unë e qes në gjyq, hajde kur të duash se s’ka kurrgjë më në ato dy orë të tjera. Unë i marrë dhe i qes highlights-at qysh i qes highlights-at qysh ja qes gjithkund tjetër. Nëse je duke folur me Sllavkon për Ligjin e RTK-së, unë nuk e qes krejt muhabetin me Sllavkon për Ligjin e RTK-së”, tha Buzhala në Rubikon.

Këto përgjime bënë bujë të madhe duke shkaktuar reagim të fortë në opinionin publik.