Ad Banner
Ad Banner
Ad Banner
Ad Banner

MPJ e Turqisë: Shpresojmë që Kosova dhe Serbia të arrijnë marrëveshje edhe për targa

13:33 | 28 Gusht 2022
A Z

Ministria e Punëve të Jashtme të Turqisë ka bërë të ditur se e mirëpret marrëveshjen ndërmjet Kosovës dhe Serbisë për lirinë e lëvizjes.

Kjo ministri u shpreh se shpreson që dy vendet të arrijnë marrëveshje edhe për targat.

“E mirëpresim marrëveshjen e arritur ndërmjet Kosovës dhe Serbisë për dokumentet identifikuese. Shpresojmë që palët të bien dakord sa më shpejt për çështje të tjera, veçanërisht për çështjen e targave”, thuhet në komunikatën e tyre.

Tutje, aty thuhet se Turqia do të vazhdojë përpjekjet për ruajtjen e paqes dhe stabilitetit në rajon.

“Turqia, si një vend ballkanik, i kushton rëndësi të madhe ruajtjes së paqes dhe stabilitetit në Ballkan dhe mbështet zgjidhjen e problemeve përmes dialogut, si dhe iniciativat për këtë qëllim. Turqia do të vazhdojë të përpiqet për të ruajtur paqen dhe stabilitetin në rajon”, thuhet në komunikatë.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm