Prokuroria themelore në Gjakovë, kanë kërkuar caktimin e masës së paraburgimit ndaj një të pandehuri, i cili dyshohet të ketë kryer vepër penale ‘Lëndim i lehtë trupor’ ndaj bashkëshortes së tij.

Njoftimi i plotë:

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit, S.B.,  për shkak të dyshimit të bazuar se ka kryer veprën penale “Lëndim i lehtë trupor”.

Prokuroria njofton se, rasti ka ndodhur më 25 shtator 2021, në Gjakovë, pikërisht në shtëpinë e tyre të përbashkët, ku i pandehuri me dashje i shkakton lëndime trupore bashkëshortes së tij, të dëmtuarës, L.B., duke përdorur mjet të fortë.

I pandehuri S.B., fillimisht e ofendon me fjalë të rënda bashkëshorten e tij, e më pas e sulmon fizikisht duke e goditur me kabllo në pjesë të ndryshme të trupit, ku të njëjtës i shkakton lëndime trupore.

I pandehuri me urdhër të prokurorit gjenden në ndalim nga data 26 shtator 2021. /arbresh.info/