Vlora Çitaku viziton Bondsteelin, merr mirënjohje nga komandanti amerikan

18:25 | 8 Maj 2021

Ish ambasadorja e Republikës së Kosovës në SHBA, Vlora Çitaku, ka vizituar sot kampin ushtarak Bondsteel.

Këtë e ka bërë të ditur vetë ajo, nëpërmjet një postimi në rrjetin social “Facebook”.

Me këtë rast, Çitakut i është ndarë një mirënjohje nga komandanti Derek L Adams, shkruan arbresh.info.

Ajo është shprehur se është krenare që pjesëtarët e FSK-së shërbejnë së bashku me ushtarët amerikan në misionet ndërkombëtare.

Poashtu, ish ambasadorja e konsideron garancë për paqe e stabilitet prezencën e vazhdueshme të ushtrisë amerikane në Kosovë.

Postimi i plotë:

“Në Kosovë, ushtarët amerikan janë në shtëpinë e tyre.
Kalova një ditë të mrekullueshme në Bondsteel. Falenderova komandatin Derek L Adams për ftesën, mikpritjen dhe mirënjohjen.
Jam shumë krenare që sot pjestarët e FSK-së shërbejnë bashkë me ushtarët amerikan në misione ndërkombëtare.
Pavarësisht rritës dhe zhvillimit të kapaciteteve tona vetanake, prezenca e vazhdueshme e ushtrisë amerikane në Kosovë është garancë për paqen dhe stabilitetin në Kosovë dhe rajon.”/arbresh.info/

 

Në Kosovë, ushtarët amerikan janë në shtëpinë e tyre.

Kalova një ditë të mrekullueshme në Bondsteel. Falenderova…

Posted by Vlora Citaku on Saturday, May 8, 2021