“Armë zyrtare 9mm, fishekë, vetura, dylbi”, krejt çka u sekuestrua gjatë operacionit policor në Kaçanik

12:06 | 21 Prill 2025
A Z

Njësitet e specializuara të policisë sot kanë ‘zbarkuar’ në Kaçanik për t’i arrestuar shtatë personat e dyshuar për vrasjen e rreshterit policor, Muhamed Lika.

Lidhur me operacionin, në një konferencë të jashtëzakonshme për media detaje ka dhënë drejtori i Përgjithshëm Gazmend Hoxha.

Hoxha para mediave dha detaje se çka është gjetur gjatë operacionit policor.

“Gjatë operacionit janë sekuestruar dy vetura, telefona celularë, disa lap topë, një armë zyrtare e kalibrit 9mm, maska, tyta arnësh, kapela sportive, rroba, fishekë, dylbi, si dhe dëshmi tjera që do të shërbejnë për dokumentimin e vrasjes së rëndë”, deklaroi ai.

Derisa bëri me dije se aksioni është zhvilluar në nëntë lokacione, tetë në Kaçanik dhe në një nga fshatrat e Klinës.